Нурҗиһан апага кем ярдәм иткән?

Шода авылында яшәүче Нурҗиһан апа Гыйбадуллина хакында сайтыбызда язган идек инде.  Аның  гыйбрәтле язмышы бер генә укучыбызны да битараф калдырмады.

Тоташ сынаулардан торган гомер сукмагын зарланмый-сыкранмый, сабыр гына үтә Нурҗиһан апа. Соңгы елларда бер-бер артлы берничә операция кичерергә туры килгән.

- Мине Аллаһы Тәгалә зурлады, гомерем буе янәшәмдә яхшы кешеләр булды, - ди ул.

Соңгы араларда булган салкыннар нәтиҗәсендә өендәге су торбалары каткан булган. Яхшы кешеләр кабат ярдәмм иткән аңа.

Нурҗиһан апа белән күрше диярлек яшәгән Фәрит Хәкимҗанов ярдәм кулы сузган.

- Инде язларга кадәр сусыз тилмерермен дип бик борчылган идем. Ярый Фәрит булды. Тормышлары тигезлектә, муллыкта узсын, балалары да үзе кебек гел игелек күрсәтсен, - дип тели Нурҗиһан апа.