Пенсияне арттыру юлы табылган

Ышандырмыймы? Юкка!

Пенсия фондларының дәүләт ассоциациясе, дәүләтнеке булмаган пенсия тәэминаты кысаларында корпоратив программаларны үстерү илдә пенсия күләмен сизелерлек арттырырга мөмкинлек бирәчәк, дигән нәтиҗәгә килгән.

Ул корпоратив программаларга ташламалар һәм берлектә финанслау системасын кертергә тәкъдим итә, шул рәвешле взносларның 2 процентын — хезмәткәр, 2 процентын — эш бирүче, тагы 1 процентын дәүләт кертергә тиеш була. Әлеге акчага НДФЛ салынмаска тиеш.

Бу корпоратив программаларга 15 миллион кешене җәлеп итәргә һәм пенсия күләмен хезмәт хакының 56 процентына кадәр арттырырга мөмкинлек бирәчәк. Әле пенсия эшләгән вакытта алган керемнең 36 процентын тәшкил итә.

Сораштыру нәтиҗәләренә ярашлы, русиялеләрнең өчтән бер өлеше яхшы тормыш көтү өчен аена 30 мең сум алырга исәп тота, 28 проценты 45-60 мең сум таләп ителүен белдерә. 40 проценты пенсиянең 15-30 мең сум булачагын, шуңа да мул тормыш көтү өчен картлыкка үзеңә акча туплау кирәклегенә инанган.

Фото: pixabay.com/ru