Путин: минималь хезмәт хакы яшәү минимумыннан ким була алмый

Илдә хезмәт хакы мәсьәләсе турында сөйләгәндә, РФ Президенты искә төшергәнчә, элегрәк хакимиятләр хезмәткә түләүнең минималь күләме яшәү минимумыннан ким була алмый дигән карар кабул иткән иде.

«Әмма башка һөнәрләрнең хезмәт хакын күтәрү зарур иде. Бюджет чикләүләре аркасында бу проблеманы шунда ук хәл итеп булмады, әмма аның өстендә эшләячәкләр», — дип өстәде Путин.

Татарстанда икътисадның бюджеттан тыш секторында минималь хезмәт хакы күләмен арттыру темалары буенча фикер алышулар бара инде. Якындагы елларда бу проблемага аерым игътибар биреләчәк. Бу хакта Татарстан профсоюзлары федерациясе рәисе Елена Кузьмичева сөйләде.

«Хәзер эш бирүчеләр блогы белән минималь хезмәт хакын арттыру буенча эш алып барыла. Шунысын да билгеләп үтәсем килә, минималь хезмәт хакы Россия Федерациясе белән чагыштырганда югарырак, һәм хәзерге вакытта аны арттыру буенча эш алып барыла», — дип билгеләп үтте Кузьмичева.

Ел башыннан Татарстан предприятиеләрендә хезмәт хакы буенча бурыч якынча 20% ка кимегән һәм 49 млн. сумга җиткән. Бу хакта «Татар-информ " агентлыгына ТР Хезмәт, мәшгульлек һәм социаль яклау министры Эльмира Зарипова хәбәр итте.

«Бу елга кергәндә, безнең 66 млн. сумга якын бурычыбыз бар иде, бу рәсми рәвештә. Бүген ул 20% ка диярлек кимегән һәм 49 млн. сум тирәсе. Бер предприятие банкротлык стадиясендә, хезмәт хакы Закон нигезендә билгеләнгән норматив срокларда түләнәчәк", - диде ул.

2030 елга Татарстанда шулай ук хәерчеләр санын 3,3% ка киметү планлаштырыла.

«Татарстан бу мәсьәләне эшкә урнашу һәм хезмәт хакы дәрәҗәсе ярдәмендә хәл итүне сайлады", - диде ТР Хезмәт, мәшгульлек һәм социаль яклау министры урынбасары Наталья Бутаева.

Тулырак: "События"