Россия инвесторларының Татарстанга кертемнәре 14% ка артты
Тугыз айда федерация субъектлары республикага 18,3 млрд. сум инвестицияләгән.
2020 елның тугыз аенда Россиянең башка субъектларыннан Татарстанга инвестицияләр 14% ка арткан. Бу хакта ТР Инвестицион үсеш агентлыгы җитәкчесе Талия Миңнуллина «Татар-информ» МА биргән интервьюсында хәбәр итте.
«Безнең Россиянең башка субъектларыннан Татарстанга инвестицияләр 14% ка артты. Абсолют чагылышта алар 18,3 млрд. сум тәшкил итте — бу яхшы күрсәткеч», - дип белдерде Миңнуллина.
Шулай ук ул чит ил инвестицияләренең кимүен билгеләп үтте. Шәхси кертемнәрнең гомуми саныннан 65%ы инвестицияләр, ягъни Татарстанга кергән һәм табыш китерми торган компанияләрнең кабат кертемнәре.
Элегрәк «Татар-информ» мәгълүмат агентлыгы хәбәр иткәнчә, Татарстан чит ил инвестицияләре күләме буенча Россия төбәкләре арасында беренче урында тора.
Тулырак: ТИ
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев