Рәсимә бәете
Хөрмәтле сайтыбызны укучылар! Бу дөньяда нинди генә хәлләр булмый да, нинди генә вакыйгалар кеше башыннан узмый. Ләкин шуны истән чыгармыйк: беркем дә хатадан хали түгел...
Әлеге бәет безнең кулларга килеп кереп, аны чыгаруыбызны үтенеп мөрәҗәгать итүчеләр булса да, башта кыймадык, күңел кылларын янәдән кузгатасы килмәде, әмма... авторның үтенече һәм дә бәетнең үзәкне өзәрдәй булып язылышы, күз яшьләрен тыя алмый укылышы каршылыгыбызны җиңде. Әгәр дә кемне дә булса үпкәләтәбез икән, зинһар, гафу итегез, искә алуыбыз мәрхүмнәрнең рухларына изге дога булып барып ирешсен, якыннарына Аллаһы Тәгалә алга таба яшәргә көч, сабырлык бирсен иде.
"Бисмилләһи..." дип башладым
Бу бәетнең башларын.
Ике мең дә унҗидедә
Гүргә керде башларым.
Көннәре җылынмады.
Бу кадәр вәхши үлемнәр
Моңарчы кылынмады.
Җәйдә корды гөлемнең.
Балтач халкын тетрәндереп
Ишетелде үлемем.
Халык савабын җыйды.
Язмышыма язган ирем
Минем җанымны кыйды.
Булмаса, булмый икән.
Шушы хәлне кылыр өчен,
Шайтан котыртты микән?
Кигән кием тиз туза.
Ир дигәнең көнче булса,
Гомерең елап уза.
Кабарып тулсын икән.
Чибәр булып кына булмый,
Бәхетең булсын икән.
Яңа өй дә төзелде.
Анда яшәү язмаган шул,
Яшьли гомер өзелде.
Күгәрчен бергә гөрли.
Минем башның күргәннәре...
Уйласаң, йөрәк дөрли.
Юктыр рәхмәтнең чуты.
Рәхмәтләр коткармады шул,
Сүнде гомерем уты.
Тынычлыкка туймадым.
Ике балам өчен яшәп,
Тик аларны уйладым.
Алар - минем шатлыгым.
Балалар янәшәсендә
Җитмәс инде картлыгым.
Кара күлмәк килеште.
Гомер буе көнләшкән ир
Теләгенә иреште.
Сезне калдырып киттем.
Язмышларга язылгандыр,
Авыр тормышны үттем.
Син сеңлеңне ташлама.
Инде сезгә шушы көннән
Яңа тормыш башлана.
Дөньяны да көтәсе.
Иңнәрдәге кайгыны да
Гомер буе йөртәсе.
Сабыр, түзем булыгыз.
Туры юлдан гына атлап,
Матур тормыш корыгыз.
Көнләшүне кертмәгез.
Кеше - кемнеңдер газизе,
Каһәрләп, рәнҗетмәгез!
Хәсрәтләнеп, көенеп.
Сезнең тормыш гөрләп барса,
Мин ятармын сөенеп.
Балтач авылы.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев