Рөстәм Миңнеханов туганнарын янгыннан коткарган яшүсмергә рәхмәт белдерде
14 яшьлек үсмер куркып калмаган, тәрәзәне ватып, ут капкан йорттан өч туганын урамга алып чыккан.
(Казан, 19 ноябрь, «Татар-информ»). ТР Президенты Рөстәм Миңнеханов Инстаграм социаль челтәрендә туганнарын янгыннан коткарган яшүсмергә рәхмәт белдерде.
Республика Президенты социаль челтәрдәге үз сәхифәсендә видео урнаштырган. Анда 14 яшьлек Иван үзләре яшәгән йортта янгын чыгуы һәм аңа үзеннән кечерәк өч туганын үлемнән коткару өчен тәрәзәне ватарга туры килүе хакында сөйли.
Рөстәм Миңнеханов малайның чын герой булуын билгеләп үтте.
Агентлык бүген иртән республиканың Алексеевск районы Зур Алан авылында шәхси йортта янгын чыгуы хакында хәбәр иткән иде. 14 яшьлек үсмер, янгын турында хәбәр итү җайланмасының тавышын ишетеп, ялкын телләре ялмап алган йорттан үзеннән кечерәк өч туганын урамга алып чыккан.
Фото: mchs.tatarstan.ru
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев