Салавыч Сәрдегәнендә “Тау бәйрәме”!

 Авылыбызда бүген "Тау бәйрәме" булып узды. Балалар, әти-әниләр рәхәтләнеп күңел ачтылар: кайнар коймактан авыз иттеләр, тәмле кайнар чәйләр эчтеләр, авылыбызның данлыклы "Читән тавында" рәхәтләнеп чана шудылар. Әлеге бәйрәмне оештырган башлангыч мәктәбебез укытучыларына, пешекче  апага, үз өлешләрен керткән әти-әниләргә зур рәхмәт. Авыл өчен, балалар өчен янып-көеп йөрердәй шундый изге күңелле кешеләребез булганда, яшьләребез авылда төпләнеп калганда, авылыбыз яши, чәчәк ата әле Алла боерса. Афәрин, авылдашларым!

Фәридә Рәхмәтуллина