Субаш авылы җирлеге өлкәннәренең бердәм хезмәте чын ватанпәрвәрлек һәм мәрхәмәтлелек үрнәге (видео)

Субаш авылы җирлегенең изге йөрәкле апалары районыбыздан өлешчә мобилизациядә катнашучы солдатларга җылы оекбашлар бәйләү өчен йон язу белән мәшгульләр.
«Ир-егетләребезгә җылы әйберләр кирәк дип һәркөнне хәбәрләр ишетеп торабыз. Хәзердән үк көндезге, төнге һава торышы артык җылы түгел, тиздән кыш җитәчәк. Күңел җылысы кушып бәйләнгән җылы оекбашларыбыз, районыбыз солдатларына, аларны өйләрендә ничек көтүләре хакында искәртеп торсын. Алар безнең илебезнең һәм безнең тынычлык, өметле киләчәк өчен көрәшүчеләр. Исән-сау була күрсеннәр, һәрберсенә туган якка, гаиләләре янына имин кайтырга насыйп булсын," - диләр изге күңелле райондашларыбыз.