Татарстан керемнәр буенча лидерлар дүртлегенә керде

Агымдагы 2024 елның 1 мартына республиканың берләштерелгән бюджетына салым һәм салым булмаган керемнәр 69,2 млрд сум тәшкил иткән. Аерым алганда республика бюджетына — 58,6 млрд сум, җирле бюджетларга — 10,6 млрд. керем булган.

«Быел салым һәм салым булмаган керемнәр буенча план 400 млрд сум күләмендә расланган. Республиканың берләштерелгән бюджеты буенча план билгеләнешен гыйнвар-февраль айларында үтәү 17,3%, Татарстан Республикасы бюджеты — 17,6%, җирле бюджет — 15,7% үтәлгән. Берләштерелгән бюджетның мобилизацияләнгән салым һәм салым булмаган керемнәре күләме буенча Татарстан Мәскәү, Санкт-Петербург һәм Мәскәү өлкәсеннән кала, Идел буе федераль округында лидер булып тора», - дип сөйләде матбугат конференциясендә Татарстанның финанслар Министры урынбасары Алла Анфимова.

Гыйнвар-февраль айларында республика территориясеннән салым һәм салым булмаган керемнәр 198,4 млрд сум күләмендә тупланганы билгеле.