Татарстанда 2030 елга ярлылар санын 3,3%ка киметергә планлаштыралар

2030 елга Татарстанда ярлылар санын 3,3% ка киметү планлаштырыла. Бу хакта «социаль контракт: нәтиҗәгә бергә» темасы буенча илкүләм проектларны мониторинглау буенча эшче төркем утырышында катнашучылар белдерде.

«Татарстан бу мәсьәләне эшкә урнашу һәм хезмәт хакы дәрәҗәсе ярдәмендә хәл итүне сайлады, чөнки социаль ярдәм чаралары беркемне дә ярлылыктан тартып чыгармады әле», — диде Татарстан Хезмәт, мәшгульлек һәм социаль яклау министры урынбасары Наталья Бутаева.

Утырыш гражданнарның икътисад һәм тормыш эшчәнлеге инфраструктурасы буенча комиссиясе белән берлектә үткәрелде.

2020 елга булган мәгълүматларга караганда, республикада ярлылар өлеше 7,4% тәшкил итә. Социаль контракт ярдәмендә бу күрсәткечне 4,1% ка кадәр киметергә планлаштыралар.

Социаль контракт рәсми рәвештә ярлылар дип танылган - бер өлкән кешегә керем дәрәҗәсе минималь хезмәт хакы күләменнән артмаган затлар дәүләт белән килешү төзъне күз алдында тота. Гражданин эшкә урнашырга һәм «хәерче» категориясеннән чыгарга, ә Дәүләт аны бу юнәлештә өстәмә стимуллаштырачак. Аның бер формасы - 12 ай дәвамында төп хезмәт хакына минималь хезмәт хакы (2019 елның II кварталында 10 085 сум) күләмендә өстәмә түләү.

Шулай ук дәүләт һөнәри белем бирү курслары өчен уку вакытында өч айга кадәр 10 085 сум түләргә мөмкин. Ә үз эшен ачарга ниятләгән кешеләр бер тапкыр бирелә торган 50 мең сум акча ала алалар. 2020 елда Татарстанда 6,2 меңнән артык социаль контракт төзелгән.

Тулырак мәгълүмат: ТИ

Фото: pixabay.com/ru