Татарстанда финанс грамоталылыгын иң яхшы методикалар буенча укытачаклар

Конкурсны Татарстан Республикасы буенча Роспотребнадзор идарәсе һәм Казан федераль университеты белән берлектә, Татарстан Республикасы Мәгариф һәм фән министрлыгы ярдәме белән Россия Банкының Идел – Нократ баш идарәсенең Татарстан Республикасы буенча Милли банкы бүлеге үткәрә.

Һәр педагог балаларның һәм яшүсмерләрнең финанс грамоталылыгын арттыруга юнәлдерелгән авторлык методик эшләнмәләрен тәкъдим итә ала. Болар дәресләр, яки уен формасында факультатив шөгыльләр була ала.

Бәйге 6 номинация буенча үткәрелә:

– "1-4 сыйныфларда финанс грамоталылыгы буенча иң яхшы дәрес";

– "5-9 сыйныфларда финанс грамоталылыгы буенча иң яхшы дәрес";

– "10-11 сыйныфларда финанс грамоталылыгы буенча иң яхшы дәрес";

– "Һөнәри белем бирү оешмаларында финанс грамоталылыгы буенча иң яхшы дәрес";

- "Кырыкалдарлар тозагы: ничек танырга һәм үз финансларын якларга"темасына иң яхшы дәрес;

– "Укучыларның финанс грамоталылыгын арттыруда системалы алым өчен".

Бәйге инде бишенче тапкыр үткәрелә. Татарстан педагоглары гына түгел, Россия Федерациясенең башка субъектларыннан да үз эшләнмәләрен җибәрәләр. Әйтик, 2019-2020 елларда конкурста катнашу өчен гаризалар Алтай краеннан, Марий Эл Республикасыннан, Ульяновск өлкәсеннән һәм Санкт-Петербургтан килгән.

Катнашу өчен гаризалар октябрь ахырына кадәр кабул ителә. Тулырак мәгълүматны +7 (843) 235-05-28 телефоны буенча белергә мөмкин.

Конкурс турында нигезләмә Татарстан Республикасы Мәгариф һәм фән министрлыгы сайтында урнаштырылган. Шунда ук конкурс нәтиҗәләре дә басылачак.

Чыганак: cbr.ru

Фото: pixabay.com/ru