Тормыш язган хикәятләр

Яшьлек кайтавазы

Яшь вакытта игелекләрне күбрәк эшләргә кирәк икән, дигән фикергә килдем әле. Ник дисезме? Рәхәтен картайгач күрәсең икән. Әйтик, машина ремонтлатырга барасың, анда сиңа очсызгарак эшләргә тырышалар. Запчастьларның очсызрагын, әйбәтрәген бирәләр. "Бу абый без тракторда эшләгәндә гел ачкычлар бирә иде, ватылсак, гел булыша, ярдәм итә иде", - диләр. Инде үзе гаиләле улың янәшә торганда, синең хакта шулай диеп әйткәннәрен, рәхмәтләрен ишетү бик күңелле.

Илдар.

"Әни" дигән балага "кызым" дип дәштеңме?

Кайнаналар киленнәреннән зарлана. Ә яшь вакытта, килен бу йортта яңа вакытта, эш рәтен белмәгәндә, үзең ничек каршыладың? "Әни" диеп, бусагаңны атлап кергән балага "кызым" диеп дәшә алдыңмы, дип сорыйсы килә...

Галия.

Фото: pixabay.com/ru