Түнтәрлеләр кемне өйләндергән?

Халыкара хатын-кызлар көне уңаеннан Түнтәр мәдәният йортының “Канатлы күңел” драма коллективы "Гайфи бабай, өйлән давай!" спектаклен сәхнәләштергән.
- Авылыбыз үзешчәннәре искиткеч матур, эчтәлекле спектакль бүләк иттеләр.
Шәрифулла абый Гарифуллин, Сания апа Мирхалиева, Гөлнур апа Закирова, Хәмидә апа Салихҗанова, Роза апа Зарипова, Салават Хәмидуллин, Гөлзәминә Габдрахманова, кунак егет Фансат Хузин рольләренә туры килеп, образларын бик оста итеп уйнадылар. Халык спектакльне бер сулышта яратып карады, елады да, көлде дә, җылы итеп алкышлады да. Уңышлар сезгә хөрмәтле артистларыбыз!, - дип яза Түнтәрем Туган бишегем төркеме.
- Беләсезме, иң рәхәте нәрсә... Тамашачының безнең чыгышны җылы кабул итүе... Сезнең кул чабулар, алкышлаулар, сызгырулар... Рәхмәт сезгә, тамашачым..., - хис-кичерешләре белән бүлешә Гөлзәминә Габдрахманова.

Чыганак:  https://vk.com/id514298325