Урта Көшкәт җирлегендә Бөек Җиңүгә багышланган митинглар узды

Һәр авылда да алдагы еллар белән чагыштырганда митингка килүчеләр арасында тыл ветераннары һәм «сугыш елы балалары» дип аталган, ул чакларның авырлыгын кечкенә иңнәрендә күтәргән абый-апалар саны ишлерәк иде. Ниһаять, аларга да урыннарда игътибар арткач, бу шатлыклы көннәрне бергәләшеп үткәрүне кулай күргәннәр. Урта Көшкәт авыл җирлеге буенча 2 сугыш ветераны - Газизов Вагыйз һәм Сафиуллин Таһир абыйлар исән-сау яшәп яталар. 33 тыл хезмәтчәннәренең барысы да бәйрәмгә килә алмаган, язгы көн һавасы кебек сәламәтлекләре минуты белән үзгәреп тора шул. Килә алмаганнарның да һәрберсенә өенә барып, җитәкчеләр күмәк хуҗалык әзерләгән бәйрәм бүләкләрен тапшырып чыктылар. Ветеранннарга күңелләренә якын булган җылы сүзләр күп әйтелде. Бу сүзләр дә, игътибар да даими булсын иде, Сезгә ветеранар! Картаймагыз әле, мең яшәгез!