Ветераннар өчен тагын бер бушлай хезмәт.

Ильнур, 5 апрель 2015 - 08:38

2346

Бөек Ватан сугышы ветераннары һәм инвалидлары 3 - 12нче май көннәрендә Россия территориясендә ерак араларга хәрәкәт итүче тимер юл транспортында бушлай йөри ала. Әлеге мөмкинлекне "Россия тимер юллары" җәмгыяте булдырды. Бушлай йөрү документларын 1нче апрельдән рәсмиләштерергә була.

Ветераннар өчен тагын бер бушлай хезмәт.

Җәмгыять тарафыннан күрсәтелгән вакыт аралыгында инвалид яки ветеранны озата йөрүче бер кешегә дә тимер юл транспортында бушлай йөрү мөмкинлеге бирә.

Бушлай йөрү өчен билетларны купелы вагоннарга (урын-җир тәкъдим ителә) һәм барлык категориядәге поездларга - югары тизлектәге "Сапсан", тизйөрешле "Ласточка" поездлары (икенче класслы хезмәт күрсәтү урыннары), шәһәр яны, фирма, пассажир поездларындагы урыннарга рәсмиләштерергә була. Транзит аша чит ил дәүләтләре буйлап хәрәкәт итүче поездларга да бушлай йөрү билетларын рәсмиләштерергә мөмкин.

Пассажирлар күрсәтелгән вакыт аралыгында бушлай йөрү мөмкинлегеннән чикләнмәгән күләмдә файдалана ала, дип хәбәр итә Интертат.ру.

Фото: http://m.yk-news.kz/news/