Язмабызга кайтаваз

«Хезмәт»ле булсаң – хезмәтле булырсың!»: бер көн редактор булып торырсың, журналист булып та эшләрсең». Әнә шундый исем астында «Хезмәт» газетасы редакциясе «Татмедиа» акционерлык җәмгыяте белән берлектә акция оештырды.

Квитанцияләр җирәбә тәртибе буенча уйнатылды. Төп җиңүче булып Яңгул авылыннан Сәлимә Габделхакова танылды. Ул 1000 сум акча отты һәм бер көн районның баш редакторы булып эшләп карау мөмкинлегенә ия булуын хәбәр иткән идек.

Һәм менә кичә Сәлимә ханым газетабызның баш мөхәррире булып торды, бу хәбәр бик күпләрне битараф калдырмады, бик күп шалтыратулар, социаль челтәрләребездә язмача хәбәрләр килеп иреште. Игътибарыгыз өчен зур рәхмәт, алга таба да бергә хезмәттәшлек итәргә язсын.

Иң кызыклы кайтавазны Сезгә дә тәкъдим итәбез. Иске Салавыч авылыннан даими хәбәрчебез Рамазан Фәрзиев: "Сәлимәнең җиңеп чыкканына бик сөендем. Ул минем укучым иде. Мәктәп елларында ук бик актив булды. Шәхси архивымда сакланган, 1978 елда "Хезмәт" газетасында басылып чыккан язмамны сезгә җибәрергә булдым".