Үзмәшгульләр өчен субсидиянең максималь күләме 200 мең сумга кадәр арткан

Әлеге йөкләмә Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтовка бирелде.

Татарстан Республикасы Икътисад министрлыгы тарафыннан агымдагы елда беренче тапкыр үзмәшгуль гражданнарга субсидия рәвешендә ярдәм күрсәтелә.Әгәр элек кире кайтарусыз 100 мең сумга кадәр акча алу турында игълан ителгән булса, хәзер сумма ике тапкыр арткан - үзмәшгульлеккә 200 мең сумга кадә субсидия биреләчәк.

Икътисад министры бәяләвенчә, бүлеп бирелгән акчалар үзмәшгульлек эшчәнлеген гамәлгә ашыру өчен уңай шартлар тудырырга һәм үз эшеңне уңышлы үстерүгә ярдәм итәчәк. Яңа программа - "Һөнәри керемгә салым" дигән махсус салым режимын кулланучы гражданнарга ярдәм итүнең нәтиҗәле чарасы.

Үзмәшгуль кешегә субсидия алу өчен РФ гражданы булырга, шәхси эшмәкәр булып тормаска һәм "Һөнәри керемгә салым" махсус салым режимын кулланучы гражданнар статусында эшчәнлек алып бару чорында 3 мең сумнан да ким булмаган күләмдә ТР бюджетына салым түләргә кирәк. Шулай ук түләү өчен гариза бирүченең һөнәри кеременә салым түләү буенча бурычы булмаска тиеш.

Моннан тыш, бушлай онлайн-уку узу мәҗбүри шарт булып тора. Гаризаларны 31 августка кадәр түбәндәге сылтама буенча бирергә кирәк: https://forms кgle/vgZoubeuoRgUJakU8

3 атна дәвамында катнашучылар өчен бизнесның төрле өлкәләрендәге тәҗрибәле экспертлар һәм гамәли-эшмәкәрләр катнашында 12 онлайн-дәрес булачак.

Укучылар базарны анализлый, статистик мәгълүматлар белән эшләргә өйрәнә, бизнес алып баруның финанс һәм юридик үзенчәлекләрен өйрәнә алачак. Дәресләр махсус программа буенча онлайн-форматта ябык платформада үткәреләчәк.

Алынган субсидияне продукция җитештерү яки хезмәт күрсәтү, җиһазлар һәм техника күрсәтү өчен кирәкле чыгым материалларын сатып алуга, аларны алга этәрү яки укытуга, булдыру, модернизацияләү, алга этәрү, техник ярдәм күрсәтүгә, интернет-сайтларны эшләп бетерүгә тотарга мөмкин булачак.

Исегезгә төшерәбез, субсидияләү программасында катнашу өчен гаризалар кабул итү турында алданрак игълан ителгән иде.

Барлык сораулар буенча: 8-903-314-50-27, Марат Рәхмәтуллин.

Чыганак: mert.tatarstan.ru