Хезмәт

Кортлаган гөмбәне ашарга ярыймы?

Кортлаган гөмбәне ашау яки ашамау турында бәхәсләр күптән бара.

Биологлар кортлаган гөмбәләрне ашарга ярыймы икәнен, микологлар паразитларның каян килеп чыгуын аңлаткан. Бу турыда «Челнинские известия» яза.

Кортлаган гөмбәне ашау яки ашамау турында бәхәсләр күптән бара. Берәүләр кортлы гөмбәне шунда ук ташласа, башкалары аларда бер куркыныч та күрми.

Реклама

Чынлыкта гөмбәдә корт булмый, алар гөмбә чебене яки гөмбә черкиенең личинкалары була. Миколог Михаил Вишневский сүзләренчә, кортсыз гөмбәләр бөтенләй булмый. Паразитлар бар тик үсешенең төрле стадиясендә генә яши. Кайдадыр күкәй салганнар, кайдадыр личинкалар барлыкка килгән.

Биологлар раслаганча, кортлы гөмбә ашасаң, сәламәтлеккә зыяны юк, кеше белән гөмбә паразитлары арасында уртак авырулар булмый. Кортлы гөмбәнең тәме дә үзгәрми.

Личинкалар булмаса да, карт гөмбәләрне җыймау хәерле. Аларга токсиннар җыела. Урманда вак кимерүчеләр тешләп киткән гөмбәләрне дә алмаска кирәк. Кимерүчеләр шактый күп авыруларны күчереп йөртә, диелә бу хәбәрдә.

Чыганак: Интертат ; фото: Михаил Захаров

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: