Татарстан фермерлары өчен агроиминләштерү бушлай булачак

Бу хакта бүген ВКС буенча киңәшмәдә Татарстан Республикасы Авыл хуҗалыгы һәм азык-төлек министры урынбасары Илдус Габдрахманов хәбәр иткән.

Агроиминләштерү Татарстан Республикасы Авыл хуҗалыгы һәм азык-төлек министрлыгы тарафыннан хуплана һәм субсидияләнә. Әйтик,1 га иминият полисының уртача бәясе 800 сум булса, аграрчылар 50% – 400 сум гына түли (иминият компаниясе 400 сум күләмендә субсидия ала), ә бәйсез ярдәм кысаларында (хуҗалык итүнең кече формаларына) өстәмә рәвештә 594 сум субсидия бирелә. Шулай итеп, агроиминләштерү фермерны яклаячак, тик шул ук вакытта аның өчен бер сум да тормаячак һәм хәтта өстәмә ярдәм алу мөмкинлеге дә бирәчәк.

Агымдагы елда уңышны иминиятләштерү килешүләрен финанслау түбәндәгечә башкарыла:

1. Исәпләнгән иминият премиясеннән 50% түләттерү (иминият шартнамәсен төзегәндә);

2. Кече хуҗалык рәвешләрендәге иминләштерелгән мәйданнарга чыгымнарны 594 сум/га ставкасы буенча 1,2 артык коэффициентын кулланып бәйсез ярдәм аша гектарлы финанслау (кече формалар критерийлары: 1. эш урыннары <100; 2. табыш <800 млн. сум).

Чәчүлекләрне иминиятләштерү авыл хуҗалыгы товар җитештерүчеләренә үз эшчәнлегендә куркынычларны киметергә мөмкинлек бирә. Рискларны 27 табигый күренештән иминләштерергә мөмкин.

Иминият очраклары килешүләрдә языла: корылык, туңдыру, сөрү, юу, ком бурлары һ.б. табигый күренешләр метеорологлар тарафыннан раслана, ә уңышның һәлак булу фактлары - махсус комиссияләр тарафыннан раслана.

Агроиминләштерү өлкәсендә дәүләт ярдәме мәсьәләләре буенча Татарстан Республикасы Авыл хуҗалыгы һәм азык-төлек министрлыгында 8-800-444-16-70 колл-үзәге телефоны буенча киңәшләшергә мөмкин.

Мәгълүмат өчен:

Татарстанда агроиминләштерүне гамәлгә ашыручы иминият компанияләре:

- «РСХБ-Страхование» СК АҖ Санкова О.П. - тел.: 8 960 055 60 55

- «Согласие СК» ҖЧҖ Хәмәтзакиров Р.М. - тел.: 8 917 235 30 21

- «ВСК» ААҖ Ибраһимова Р.И. - тел.: 8 919 698 10 11

Фото: Татарстан Республикасы Авыл хуҗалыгы һәм азык-төлек министрлыгы сайтыннан