Ӟаныын Йӧвылэпотонэз пусйизы

Клубын, библиотекаын ужасьёслэн, школаысь педагог-организаторлэн А.В. Смердовалэн но гуртысь мыло-кыдо егитъёслэн тыршеменызы, Ӟаныын но туэ Йӧвылэпотонэз шулдыр карыса радъяллям.

Соос но ческыт табань пыжыса, чай пӧзьтыса, гуртооссэс но бускель гуртъёсысь вуэм калыкез (Пор-Кутешысь но Кисальысь адямиос луиллям) куно кариллям.

— Адями ӧжыт но ӧй вал, трос но ӧй вал. Бадӟымъёс но, пичиос но — ваньзы мылкыд карисьёс — гурезьысен нискылазы. Шудонъёс но дасяськеммы вал, но адямиослы гурезьысен нискыланы тросгес кельшиз, лэся (серекъя). Нош нылпиослы туж кельшиз кызъёс улысь кузьым утчаны (гурезь дорын ик пиоспуос будо, отчы кузьымъёс ватӥмы). Тӥни озьы дыр но ортчиз, шӧдыса но ӧм вуттэ. Кылдэм ке, таӵе ужрадэз сяме пыртомы шуыса малпаськом, — мылкыдъёссэ вуттӥз ужрадэз радъясьёслэн одӥгез Алевтина Иванова.

Табере таӵе шулдыръяськонэз арлы быдэ ортчытыны тыршозы шуыса оскиськом, малы ке шуоно гурт калык но праздникез арлы быдэ радъясалзы ке, туж умой луысал шуыса пусйиз.

Туспуктэм: А. Иванова