Изге Гурий чиркәвенә йөрүчеләр дәшә

Мөхтәрәм райондашлар! Яңа ел белән сезне!

Христиан дин кардәшләребез өчен үтеп киткән ел гаять тә куанычлы булды, Чепья авылындагы Изге Гурий чиркәвен төзекләндерүгә бурыч итеп куелган эшләр тормышка ашты. Әлбәттә, әлеге игелекле, изге гамәлләрне башкаруда авыл хуҗалыгы җәмгыятьләренең, оешма-предприятие җитәкчеләренең ярдәме зур булды. Җирле авыл халкы аларга бер рәхмәт әйтсә, күрше-тирә авыллардан, ераклардан килгән православие вәкилләре мең рәхмәт укый. Дөньялар имин булып, гел шулай дуслыкның кадерен белеп, бәрәкәтле хезмәттәшлектә яшәргә язсын. Яңа ел һәр гаиләгә бәхет-шатлык, исәнлек-саулык, сәламәтлек-байлык алып килсен, ди Чепья чиркәвенә йөрүчеләр исеменнән Петр Чернов.