Колбасадан да зарарлырак!

Суыткычтагы ризыкларны еш кына файдалы дип уйлыйбыз. Экспертлар исә андый фикердә түгел икән. Алар суыткычтагы ризыклар арасыннан зарарлы дип саналмаса да, чынлыкта исә шикәре һәм мае күп булганнарын бүлеп күрсәткән.

Беренче чиратта, җиләк, чия һәм башка төрле өстәмәләр кушылган йогуртлар, аларны еш кына файдалы дип саныйбыз. Әмма, чынлыкта, мондый йогуртларда гадәти йогуртларга караганда шикәр өч тапкыр күбрәк. Белгечләр йөрәк-кан тамырлары авыруларын һәм башка авыруларны профилактикалау өчен яңа өлгергән җиләк-җимеш, чикләвек кушып әзерләнгән табигый йогуртны өстен күрергә киңәш итә.

Шулай ук исемлектә югары калорияле кибет кетчуплары һәм майонезлар күрсәтелгән. Аларда берничә куркыныч ингредиент, шул исәптән трансмайлар, яшерен шикәр, тоз, консервантлар һәм күп күләмдә кулланганда сәламәтлеккә начар йогынты ясый торган башка өстәмәләр булырга мөмкин. Шулай ук салат өчен әзер соуслар составына да игътибар итәргә кирәк, аларда зарарлы майлар һәм артык шикәр күп. Белгечләр зәйтүн мае кебек үсемлек майларын өстен күрергә киңәш итә. Колбаса һәм эшкәртелгән ит шулай ук суыткычтагы зарарлы ризыклар буларак искә алына, чөнки аларны даими куллану эчәк һәм ашказаны авырулары китереп чыгарырга мөмкин. Йогуртлардан аермалы буларак, колбаса файдалы ризык буларак күрсәтелми, һәм кулланучылар аның зарарлы якларын яхшы белә.

Автор: Зөлфия Фәтхетдинова

Чыганак