Төркиядә мәктәп автобусы агачка килеп бәрелгән, нәтиҗәдә 11 кешенең гомере өзелгән

(Казан, 20 гыйнвар, «Татар-информ»). Төркиянең Эскишехир провинциясендә мәктәп автобусы катнашындагы юл һәлакәтендә 11 кешенең гомере өзелгән, дип яза «Известия».

Укучыларны Анкарадан Бурсага алып бара торган автобус трассада агачка бәрелгән. Юл-транспорт һәлакәте нәтиҗәсендә тагын 44 кеше төрле имгәнү һәм җәрәхәтләр алган. "Хөррият" агентлыгы хәбәр иткәнчә, укучылар, әти-әниләре озатуында Улудаг чаңгы курортына бара торган була. Автобус каршына берәр хайван чыккан булырга мөмкин, диелә хәбәрдә.

Исән калган автобус йөртүче тоткарланган.