Кеше һәм закон
Фото: intertat.ru
Суд приставы исеме астында эш йөртүче кырыгалдарлар пәйда булган
Татарстанда Федераль суд приставлары хезмәте идарәсе исеменнән ялган смс-хәбәр юллаучы кырыгалдарлар пәйда булган. Вируслы хәбәрләр ярдәмендә алар башкаларның исәп-хисабында булган акчасын үзләштерә.
Ялган белдерү хәбәре җибәрүчеләрнең адресы Федераль суд приставлары хезмәтенең рәсми электрон адресына охшаган. Аңа бары тик өстәмә хәреф яисә саннар гына өстәлә икән. Мисал өчен: "Федераль суд приставлары хезмәте акча тотып калыну турында кисәтә", - дигән хат fssprusr16.webtm.ru.G37 адресыннан килергә мөмкин. Ә федераль суд приставлары хезмәтенең рәсми адресы - r16.fssprus.ru. Башка төбәкләрдә регион саны гына үзгәрә.
Федераль суд приставлары хезмәтенең Татарстандагы идарәсеннән хәбәр итүләренчә, рәсми смс-хәбәрләрдә бурычлы кешенең исем-фамилиясе һәм әтисенең исеме тулысынча языла, башкару эшенең номеры, бурыч күләме күрсәтелә. Шулай ук бурычлыга рәсми сайтка мөрәҗәгать итәргә тәкъдим ясала.
Фото: intertat.ru
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев