Сосналарга бүләк бирелде

Эшләсәң эшнең әҗере була, диләр. Сосна авыл җирлеге, мәдәният йорты хезмәткәрләре дә бергәләшеп Сосна авылы сусаклагычының тирә-ягын чүп-чардан арындырганда, кемгәдер күрсәтер һәм бүләк алыр өчен эшләмәгәннәр. Ә шулай да хезмәтләренен нәтиҗәсе куанычлы, беренчедән, сусаклагыч тирәләре чистарып калса, икенчедән, аларга Экология һәм табигатьне саклау Министрлыгының Дипломы һәм мәдәният йорты өчен кыйммәтле микрофон тапшырылды. Әфәрин сосналылар, диясе генә кала.