Балтач укучылары «Олимпка юл» республика олимпиадасы призерлары

10 гыйнвардан мәктәп укучылары арасында бөтенроссия олимпиадаларының йомгаклау этабы старт алды, алар март башына кадәр дәвам итәчәк. 

10-13 гыйнварда «Дуслык» базасында инглиз теле буенча «Олимпка юл» республика олимпиадасының йомгаклау этабы узды. Анда Балтач районыннан 5 укучы катнашты.

Балтач гимназиясенең 7нче сыйныф укучысы Сабирҗанова Нәргизә (укытучысы: Йосыпова М. Г.), Салавыч күппрофильле лицееның 9нчы сыйныф укучысы Хәбибуллин Искәндәр (укытучысы: Хәбибуллина В. Г.), Балтач урта мәктәбенең 10нчы сыйныф укучысы Гайнетдинова Әдилә (укытучысы: Садикова А. Р.) призер булды. Балаларны һәм аларның укытучыларын уңышлары белән котлыйбыз!