Моңнар белән сугарып

Уйна, әйдә, гармуныңны,
Безнең йөрәк җилкенсен.
Яшьлек елларына кайтыйк,
Күңел хискә төренсен.
Җилкендереп канат куйдың,
Балаларны җырлатып.
Һәммәсенә нур таратты
Көләч йөзләрең балкып.
Ихлас, эчкерсез зат булдың,
Рәхәт бит синең янда.
Гел яхшылыкка омтылдың
Дәртең кайнап торганда.
Биеттең дә, җырлаттың да
Иҗади сәләт белән.
Юмарт йөрәгең һәркемгә
Ачыкычын таба белгән.
Уйна әле, гармуныңны,
Моң җаннарны айкасын.
Әнә шулай, актив яшәп,
Дөнья ямен табасың.
Елмаеп- көлеп яшисең,
Җанда сагышны куып.
Син бит безгә үрнәк булдың,
Сеңдереп шатлык нурын.
Җылы хисле өлкәннәрнең
Уң булсын гомер юлы....

Фәридә Шакирова.