Эштән кәефләнеп кайтабыз

14 декабрь көнне район үзәгеннән читтә урнашкан Нөнәгәр авылы урамында кичке алтылар тирәсендә ЮХДИ хезмәткәрләре «Лада Калина» җиңел машинасын туктаталар. Доументларын тикшергән вакытта машина йөртүчедән ят ис килүен тоеп, аны махсус приборга өрдертәләр.

Нәтиҗәдә, прибор аның алкоголь кулланганын күрсәтә. Рәсми кәгазъләрне тутырып, шофер машина белән идарә итүдән читләштерелә.

Егетнең аңлатуына караганда, ул күп түгел, кич белән 100 грамм тирәсе ак аракы кулланган. Әмма, кануннарның катгый икәнлеге, ничектер аның башыннан чыгып китә.

Нәтиҗәдә, аның эшен караган Балтач җәмәгать суды 30 мең сум штраф түләргә һәм транспорт белән идарә итүгә хокукын бер ел да алты айга мәхрүм итәргә карар чыгарды.