Салкын тиюдән дөрес сакланыгыз!
Табигатьтә кыш хакимлек итә. Елның салкын һәм матур бу вакыты безгә күңелле минутлар белән бергә күп кенә авырулар да китерергә мөмкин шул. Алардан ничек сакланырга?
Сарымсакның вируслар белән көрәшүче яхшы нәрсә икәнен беләсез, әлбәттә. Әгәр аны ашарга яратмасагыз, турап, йоклаганда караватыгыз янына куегыз яисә, кайнап чыккан суга салып, ингаляция эшләгез.
Эштән кайткач та борынны тозлы су белән юарга кирәк. Ә урамга чыкканда оксолин мазе яисә эвкалипт мае сөртү яхшы булыр.
Чәегезгә иртән ун тамчы элеутерококк тамызыгыз. Лимонны күбрәк кулланыгыз, ә менә авырулар чорында сөт ризыкларын һәм татлы камыр әйберләрен сирәгрәк ашасагыз була.
Иң мөһиме – аякларыгызны һәрвакыт җылыда һәм корыда тотыгыз. Моның өчен сезгә борычлы пластырь ярдәм итә ала.
Ә сез салкын тиюдән, вируслардан саклануның тагын нинди ысулларын беләсез, дуслар?
Автор: Ләйсән Якупова
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев