Дышетӥсьёслы пумтэм тау!
Коньывуонлэн берпуметӥ шуныт нуналъёсаз шаерамы бадӟым праздник пусйиське – Дышетӥсьлэн нуналэз. Та аспӧртэмлыко нунал нокинэ палэнэ уг кельты, дыр. Ведь котькуд адямилэн вань сыӵе дышетӥсез, кудӥз школаысен ик туж бадӟым инты басьтэ, пӧртэм тодон-валанъёсын висъяське, шуныт тодэ ваёнъёсын сюлме кыле. Тодон-валан сётӥз-а, визьнодаз-а, шуныт кылъёс вераз-а – со ваньмыз йыре кылись тодметъёс.
