Кызьы озьы?

Но луэ вылэм. Та учыре вераськон мынэ одӥг адями сярысь гинэ. Но со одӥг адями (паймымон кадь) аслаз верам кылъёсыныз вань мылкыдэз сӧрыны быгатэ вылэм. Озьы тӥни ик луиз Елабугаын но. Одӥг адямилэн удмурт кылэз вань сюлмысь яратымтэез, яратымтэез сярысь ваньзылы возьдаськытэк верамез монэ кемалы малпаськытонэ уськытӥзы. Кӧня бен сыӵе адямиос, кудъёсыз анай кылзэс уг ярато но уг дышетско? Кӧня сыӵе адямиос, кудъёсызлэн анай-атайёссы, анай-атайёсызлэн анай-атайёссы — ваньзы — сурамтэ-пожамтэ, чылкыт удмурт выжыысь луо? Кышкыт малпаны ик со сярысь. Бен, эске малы меда сыӵе адямиосты таӵе бадӟым ужрадэ кысконо? Мукет адямилэсь мылкыдзэ тӥян понна-а? Оло, озьыен удмуртлыке кыскыны луоз, кожало-а? Уг тодӥськы...