Тыл но, ву пыр но потэм Мария апай
Мария апай 1942-тӥ арын 25-тӥ куартолэзе Сизнер гуртын вордске. Та кышкыт Быдӟым Отечественной ож мынэм ар луэ. Атаез Аркадий агай ожлэн нырысетӥ нуналъёсысеныз ик фронтэ кошке. Со оже кошкыку, анаез Ирина апай секыто кыле. Соослы пумиськыны уг кылды ни: атайзы ожлудын ивортэк ыше. Озьы анаез туж вазь палкышнолэсь курыт адӟонзэ адӟоно луэ, нош Мария апай сирота кыле. Солы туж вазь, сютэм улыса, арлыдоосын ӵош ужаны тупа. Пичи дырысен бадӟым улон эскеронъёс пыр ортчемысьтыз, дыр, Мария апай туж чебер но синмаськымон улон сюрес ортче. Улонлэн эскеронъёсыз, шуг-секытъёсыз азьын ышыса со уг кыльы.
