Тагашур гурт тег белән яңалыклар

• 24 декабрь 2022

  Тагашур гуртысь гажамон песянайлы — Конькина Екатерина Александровналы — 90 арес

  «Мон аслэсьтым ортчем аръёсме тодам вайыса, тазьы вераны быгатӥсько: мынам улонэ капчи ӧй вал ке но, мон шудо адями. Луизы вӧсь луон дыръёс но, пальпотон вакытъёс но. Но самой валтӥсез — пересьмон даурам мон огнам ӧвӧл, вӧзам яратоно нылпиосы. Туж шумпотӥсько, нылпиосы куспазы тупаса, эшлыко уло шуыса. Арлыдэз шоры учкытэк, котькуд анай понна со самой валтӥсез»

  
• 11 июнь 2022

  Гуртаз сое гажало, дораз утё, ярато но бадӟым каро

  Тагашур гурт пичи гурт ке но, ёрос центрлэсь кыдёкынгес интыяськемын ке но, отчы туж шумпотыса вуимы. Малы ке шоуно та гуртлэн интыез туж шулдыр но чебер, гурт калык но татын йӧно. Нош вуимы ми отчы гуртысь одӥгез тужгес гажамон песянаен, Ольга Евдокимовна Ураковаен тодматскон понна. Нырысь вераськыны возьдаськиз ке но, аслаз улон-вылонэз сярысь вераны Ольга апай пумит ӧз луы. Вылаз ик со понна туж шумпотымон муг но вань — песянай 80 аресъем юбилейзэ пусйиз.