Гарифуллин урамы, халкы дуламый башлады...

Берчакны “Хезмәт”ебездә “Гарифуллин урамы, халкы нигә дулады” дип язган идек. (http://baltaci.ru/news/җәmgyiyat/baltachn..). Бу көннәрдә “Ник бер дә тавышлары чыкмый башлады әле?” дип барып карасак, баксаң, урамга ялт иткән асфальт җәеп куйганнар икән. Йөрергә үк күңелле, рәхәт. Шома, матур юлның игелеген күрергә язсын сезгә. Ә инде “Хезмәт” укучыларның гозеренә колак салган җитәкчеләргә һәм асфальтлаган егетләргә зур рәхмәт. Билгеле, зур урам түгел, күләгәле дә диярсез бәлки, әмма юлчыларның эше җиңел түгел, бер адымлык ара да авыр хезмәт сорый. Бигрәк тә быелгы эсе җәйләрдә.