Төрлесе
Трассада туңып үлгән Эдуард Зиннуровны соңгы юлга озаттылар
Ишеткәнсездер, берничә көн элек Оренбургта трассаларны яптылар, күп машиналар, шактый кеше, шул исәптән балалар буран тозагында калды. Үлем-китемсез дә булмады. 31 яшьлек Орск егете Эдуард Зиннуровны тәүлектән артык эзләделәр. Аның белән элемтә Орск-Оренбург трассасының 68 километрында, Медногорск шәһәре тирәсендә өзелгән.
4 гыйнвар көнне Эдуардның гәүдәсен машинасыннан ерак түгел җирдә табалар.
Егет белән хушлашырга якыннары, туганнары һәм дуслары - йөзләп кеше килгән.
Коткару хезмәтләренә дәгъвалар бар. Аларның эшчәнлеген хәзер Оренбург прокуратурасы тикшерә.
Әлеге коточкыч буранда Медногорск шәһәренендә яшәп хезмәт итүче өлкән сержант Данила Максудов та кала. Трассада кешеләргә ничек тә ярдәм итәргә теләп, полиция хезмәткәре кечкенә балага үзенең курткасын, бер туташка - бияләйләрен бирә.
Нәтиҗәдә, башкаларга ярдәм күрсәткән егет үзенең кулларын өшетеп, бүген хастаханәдә ята: табиблар батыр егетнең сул кул бармакларын саклап калу өчен көрәшә.
Дөнья хәлен белеп булмый. Трассага чыкканда тулы бак бензин белән, термоста чәй белән, җылы киемнәр белән чыгыгыз. Алла сакласын!
Чыганак: kukmor-rt.ru
Фото: vk.com
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев