КОТОЧКЫЧ: Татарстанда җиңел машина зур йөк автомобиленә килеп бәрелгән, хатын-кыз һәлак
Бөреле бистәсе янында “БМВ” каршы як юлга килеп чыккан.
Биектау районында җиңел машина зур йөк автомобиленә килеп бәрелгән. Җиңел “авто” пассажиры – 68 яшьлек хатын-кыз һәлак булган, дип хәбәр итә Эчке эшләр министрлыгының матбугат хезмәте.
Бөреле бистәсе янында “Казан-Малмыж” автомобиль юлының 30 нчы чакрымында “БМВ”, “чыгымчылап”, каршы як юлга килеп чыккан һәм “Скания” автомобиле белән бәрелешкән. Авариядә җиңел машинаның алгы утыргычындагы пассажир – 68 яшьлек пенсионер хатын-кыз һәлак булган.
“БМВ” рулендәге хатын-кыз һәм 2 пассажир, җәрәхәтләнеп, хастаханәгә озатылган. Хәзерге вакытта авария урынында Дәүләт автомобиль инспекциясе хезмәткәрләре эшли. Фаҗиганең сәбәпләре ачыкланыла.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев