Иртәгә әфганчыларга багышланган бәйрәм чарасы була. Кайда? Кайчан?

Совет гаскәрләренең Әфгәнстанга кергәнен дә, чыгарылган көнен дә ел да билгеләп үтәргә тырышабыз. Иртәгә дә әфганчы иптәшләр белән “Ватан сакчылары” һәйкәленә менәчәкбез, сугышта үлгән һәм туган ягында мәрхүм булганнарны искә алып, һәйкәлгә чәчәкләр салачакбыз. Бәйрәм чарасы бистә үзәгендәге “Геройлар аллеясы”нда дәвам итә. Аннан соң район мәдәният үзәгендә без – әфганчыларга багышланган бәйрәм чарасы булыр дип көтелә. Хөрмәтле дуслар! Барыгызны да 15 февраль көнне 10.00 сәгатькә “Ватан сакчылары” паркында көтеп калабыз. Елдан-ел сафларыбыз сирәгәя бара, инде менә 40лап иптәшебезне югалттык, 111 кеше калдык. Исән чакта күрешик, сугышчан иптәшләрне искә алыйк, берни дә, беркем дә онытылырга тиеш түгел. Барыгызга да сәламәтлек, исәнлек, саулык, гаилә бәхете теләп калам.

Дилүс Гатиятуллин, район Әфганчылар җәмгыяте рәисе