Яңа ел ялларын күмер самавырыннан чәй эчеп, уха ашап үткәрдек

Ильнур, 8 гыйнвар 2016 - 16:11

2476

10 көнгә сузылган ялда өйдә тик яту ялыктыра, дип зарланырга яратабыз. Ә бит аны җанлы һәм истә калырлык итү үзебездән тора!

Яңа ел ялларын күмер самавырыннан чәй эчеп, уха ашап үткәрдек

Менә бер көнне без гаиләбез белән җыендык та тауда чана шуарга чыгып киттек. Балачак елларын искә төшереп, рәхәтләнеп күңел ачтык. Барыбызга да чана җитмәгәч, полиэтилен кап эченә печән тутырып шудык. Тик кызганыч, бу мизгелләрне фотоаппаратка төшермәдек шул.

Ә кичен ишегалдында күмер самавырында тәмле үлән чәе кайнатып, учакта уха пешереп ашадык. "Әйдәгез, бер сагынып сөйләрлек булсын!" дип, ялларыбызны шулай күңелле итеп оештырганы өчен Казаннан кунакка кайткан бертуган энем Булатка рәхмәт инде. Чыннан да, уханың хуш исе әле дә борын төбеннән китми...