Чутайда колбаса ясыйлар

Соӊгы елларда «Кызыл юл» күмәк хуҗалыгыныӊ уӊышлары турында күп языла. Уӊышныӊ сере тырыш хезмәт, эзләнүләр, яӊалыкка омтылу икәнен монда яхшы беләләр. Терлекчелекнеӊ азык базасын булдырмый торып, зур күрсәткечкә өмет итү дөрес түгеллеген алар эшләре белән исбатлап киләләр. Менә бу елда да 320 гектар җирдә кукуруз чәчеп, аныӊ 170 гектарын бөртеккә суктырып алдылар. 5161 центнер кукуруз орлыгы махсус агрегат аша чыгартылып, озын капчыкларга сакланырга куелган. Димәк, терлеккә катнаш азык мулдан булачак. Печән, салам кебек терлек азыныныӊ да кадерен беләләр монда. Чутай фермасында яӊа салынган печән саклау өчен махсус түбәле бинага зур гына самолетта сыядыр.