Җәй – сөтнең мул чоры

Әмма җитештерү белән бергә бүгенге чорда сөтне яхшы бәядән урнаштыру үзе бер вәзгыять. Җәйне мул сөт чоры дип атасак та, аныӊ бәясенеӊ тискәре якка үзгәрүе артык җитештергән сөтнеӊ кыйммәтен төшерә шул. Кышлату чорларында районыбызныӊ 3-4 хуҗалыгы тәүлеккә 10 тоннадан артык сөт сатып барса, хәзер районда мондый хуҗалыкларныӊ саны - 9. «Татарстан» хуҗалыгы көн саен 16770 килограмм, «Дуслык» - 14819, «Кызыл юл» - 13736, Тимирязев исемендәге хуҗалык - 12932, «Игенче» - 11455, «Бөрбаш» - 11222, «Маяк» - 10120, «Сосна» - 10006, «Яӊа тормыш» 10000 килограмм сөт тапшыра. Аларныӊ үкчәләренә «Сорнай», «Смәел», «Труд» хуҗалыклары бастырып килә. Район буенча алдагы елныӊ шушы чоры белән чагыштырганда, 12434 кг. сөт артык китә. «Кызыл юл» хуҗалыгы - 3366 кг., «Татарстан» -2840 кг. сөтне артык тапшыралар. 1746 кг. артык тапшырган Тимирязев исемендәге, 1685 кг. артык сөт тапшырган «Дуслык», 1634 кг. сөт артык тапшыра торган «Сосна» хуҗалыгы хезмәтчәннәренеӊ эше мактауга лаек. Тимирязев исемендәге хуҗалык 1 килограмм сөтен 20 сум 40 тиенгә, «Яӊа тормыш» һәм «Арбор» - 18 сум 87 тиенгә, «Татарстан» 18 сум 67 тиенгә тапшыралар. Шул ук вакытта 5 күмәк хуҗалык сөтнеӊ һәр килограммын 18 сумнан кимрәккә озаталар. Димәк, җитештерү бер, ә җитештергәнне кыйммәткә сата белү хуҗалык итүнеӊ аерым бер осталыгы.