«Нылпиослэн сяськаё вакытсы мед кыстӥськоз» (+фото)
Туэ янгулъёс туж трос пӧртэм пумо ужрадъёс ортчыто, маиз шумпотымон, соос асьсэлэсь сям-йылолъёссэс утьыса, егитъёсты но кыскыны тыршо.
Гурт улонэз шулдыргес карыны бадӟым люкет пырто спонсоръёс, радъясьёс но гурт понна «висись» адямиос. Таяз учыре гуртысь Сабантуй паркын 13 пӧсьтолэзе семьяослы сӥзем праздник радъяськиз. Нырысь ик нылпиос понна шудонъёс ортчизы, пиос пӧлын — 7 аресозь (нылпи садысь нылпиос), 30, 35 килограммозь но 35 кг вылӥ секталаын бигер нюръяськон. Самой валтӥсь батырлы, лотерея амалэн шудытыса, велосипед кузьмазы. Кыкетӥ велосипедэз сыӵе ик амалэн Раниль но Альбина Сафиуллинъёслэн семьязы утӥз.
Писпуос пӧлын нимысьтыз сиськон инты но радъяськиз. Нылпи садэ ветлӥсь нылпиосысен кутскыса, котькуд пиналэз ческыт пловен, табанен но чаен куноязы.
Озьы ик интыысь «Ива мебель» фабрикалэн кивалтӥсез — Диляра Габдрахманова — котькуд нылпи понна мороженойлы но ческыт ваталы талон кузьмаз.
— Туннэ егитъёслэн кичӧлтонзыя таӵе бадӟым ужрад радъяськиз. Туж шумпотӥсько, гуртамы движение, ужась егитъёс, юрттӥсьёс вань шуыса. Гуртысь инициативной группа нылпиос понна узыресь кузьымъёс но басьтӥз. Туннэ нуналэ учкиськод ке, кыӵе ке гуртын спонсоръёс ӧвӧл шуо, спонсоръёс луизы ке, радъясьёсыз ӧвӧл. Гуртмес азьланьтӥсь адямиослы бадӟым таукаронме вуттӥсько. Ёросысь мукет гуртъёслы пример луэмен туж данъяськисько, — вераз азьветлӥсьёс пӧлысь одӥгез Раниль Габдрахманов.
Зэмзэ но, туала гуртъёсын праздник ортчытон секытэн сётӥське. Гужем вакытэ адямиослэн трос гинэ пӧртэм ужъёсыз, соин мерлыко уже итӥськыны шуген сётӥське.
Синмаськымон ужрадэз бадӟым тӧдьы гондыр но узыртӥз. Со пиналъёсын валче эктӥз, шулдыръяськиз, пиналъёс бадӟым синъёсынызы гондырлэсь котькуд выроссэ синйылтыса, асьсэос быдэстыны тыршизы.
Огъя семьяос понна но ӵошатсконъёс радъяськизы. Кузпалъёс асьсэлэсь луонлыкъёссэс эскеризы, нылпиос кадь кузьымъёслы шумпотӥзы но капчи мылкыдэн доразы бертӥзы.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев