Миләүшәне ничек утыртырга?

Хәзер миләүшәләрне (фиалка) күчереп утырту өчен кулай вакыт.

Миләүшәне яфрактан үрчетергә мөмкин. Яфрагын кисеп алганда, пычак үткен булырга тиеш. Башта пычакны спирт белән сөртеп алам.

Бер тапкыр кулланыла торган 50 мл лы пластик стаканга туфрак тутырам һәм яфракны шунда утыртам. Миләүшәләр дә, башка гөлләр дә лампа астында тамырлана.

Миләүшәне утыртырга зәңгәр төстәге капчыктагы «Агробалт» туфрагы алам. Көпшәкләндерү өчен, 2-3 мм диаметрлы пенопласт шарчыклар өстим. Утыртканда туфрагына «Осмокот» дигән ашлама кушам. Бер гөл төбенә тулыр-тулмас 1 чәй кашыгы ашлама җитә.

Рузалия ГАБДРАХМАНОВА