Мәчеткә 50 мең сум акча биргән кеше исемен яшерә (+фоторепортаж)

Анысы, Рәфкать Нигъмәтуллин кебек дин әһелләре булганда мәчетләребезгә тартылучылар кимемәс, иншалла. Малайлар һәм кызлар һәр иртәне мәчеткә ашкынып килделәр, төштән соң кайтып киттеләр. Тәрбияче Әлфинур, Мәүлидә, Руфия, Рузилә апалары аларны кая гына алып бармады, Чепьядагы "Халыклар дуслыгы" музеен да күрделәр, тау башындагы асфальтзаводта да булдылар, чишмә буйларына төштеләр, шәхси эшмәкәр Нәкыйп абыйларының урмандагы агачны ничек итеп җиһазга әверелдерүен белделәр, Кариле мәчетенә сәяхәт кылдылар.

Матурлык көнендә кулларына хнадан рәсемнәр ясадык, ди тәрбияче апалары Рузилә. Спорт уеннарын да гел оештырганнар. Лилия Бадыхова сабын ясау, кекс бизәү буенча мастер-класслар үткәргән, балалар кремнар белән үзләре бизәгәннәр. Тәскирә апалары тәмле ризыклар пешереп ашаткан, Рәсимә апалары җыештырып торган. Алмаз хәзрәт белән Рәфкать абый азык-төлек ташыганнар, экскурсияләргә йөрергә транспорт юнәткәннәр.