Белгечләр иң файдалы яшелчә һәм җиләк - җимешне атаганнар

Диетологларның сүзләренә игътибар итсәк, берничә яшелчә-җимеш иң файдалысы икән.

Хөрмәнең йомшагында пектиннар — үсемлек шикәренә бай табигый желе күп. Пектиннар эчәклектәге файдалы бактерияләргә азык булып тора. Ә алар эчәклекне вируслар һәм бактерияләрдән саклый. Хөрмә калий, магний һәм каротинга бай. Минераллары — йөрәккә, каротиннары бавыр һәм күзләргә сихәт бирә.

Кәбестә. Анда яман шешкә каршы матдә — сульфорафан бар. Әмма аны пешерсәң файдалы элементлары юкка чыга икән. Шуңа күрә кәбестәне чи килеш ашау хәерле. Ә инде иң яхшысы — әчетеп тозлау. Андагы С витамины лимон һәм гөлҗимештәгегә караганда да күбрәк.

Мандарин. Файдалы һәм тәмле. Клетчаткага бай, шикәре дә күп түгел. Канда шикәр микъдары югарырак булса да, цитрус җимешенең организмга зыяны юк. Анда шулай ук А витамины, пектиннар һәм магний бар. Соңгысы күңел тынычлыгы һәм әйбәт йоклау өчен кирәк.

Шалкан. Якын "туган"нары — торма һәм дайкон. Бу яшелчәләр, кәбестә кебек үк, яман шешнең дошманы сульфорафонга бай. Моннан тыш шалканда В, С витаминнары, бета – каротин, эчәклек өчен файдалы клетчатка күп. Шалканны яшелчә салатларына өстәргә, үзен генә яисә ит белән пешереп ашарга, рагу өчен файдаланырга мөмкин.