Гөлләр өчен менә дигән катнашма

Гөлләр өчен менә дигән катнашма: 3 литр суга марганцовка салып болгатасыз (алсу төстә булырга тиеш су), шуңа 3-5 тамчы йод тамызасыз һәм кашык очында гына бор кислотасы кирәк булачак. Бор кислотасын башта җылы суда эретегез, дип яза «Шәһри Казан».

Бөтенесен бергә яхшылап болгаткач, сибәргә дә була. Башта бер көн алдан гөлләргә чиста су сибәргә онытмагыз. Икенче көнне шушы катнашманы ясап сибәсез. Бик кечкенә чүлмәктәгеләргә 1 рюмка, уртача чүлмәккә 0,5 стакан, зур чүлмәктә үсә торганнарга 1 стакан җитә.