Яран үрчетергә вакыт

Яранны ике ел саен яшәртеп торырга кирәк. Картайган гөл начаррак чәчәк ата, ямьсезләнә. Хәзер яран гөлне ботактан тамырландыра башларга була. Яран гөлен үрчетеп, җәен бакчага утырта аласыз.

«Ана» үсемлектән 4-5 см озынлыкта яшь чыбыкчалар кисеп алырга кирәк. 2-3 яфрагы булырга тиеш, чәчәк бөреләре булса, өзегез. 1-2 сәгать күләгәле урында киптерегез, аскы кисемен «Корневин» яки башка тамырландыргыч препарат белән эшкәртегез.

Бер тапкыр кулланыла торган стаканның төбен тишәргә, азрак вак керамзит салырга һәм, чыбыкчаны 2,5 см чамасы күмдереп, вермикулит, ком кушылган грунт тутырылган стаканга утыртырга кирәк. Өстен пленка белән капларга. Әледән-әле ачып җилләтергә кирәк булачак.

Чыганак