Май бәйрәмнәрендә бакчада нәрсә эшләргә була?

Яңа сезонны өмәдән башларга кирәк. Газоннарда бөкеләр барлыкка килгән икән, газонның бөтен өслеген вак ком белән тигезләгез. Бу газон үләннәр өчен бик файдалы. Буш урыннарга яңа орлык чәчәргә кирәк.

Әгәр туфрак әзер булса, түтәл һәм клумбаларны  5-10 см тирәнлеккә эшкәртергә кирәк.

Майның беренче көннәрендә, туфрак әзер булса, кишер, чөгендер, редис чәчәргә була. Башка культура орлыкларын туфрак +10 градуска кадәр җылынгач, чәчәргә кирәк.

Кишер чәчүгә аерым игътибар бирергә кирәк. Орлыкларны алдан чәчүгә әзерләргә кирәк. Утыртканчы бер-ике атна кала кишер орлыгын капчыкка салырга һәм 20-25 сантиметр тирәнлектә балчыкка күмәргә кирәк. Бу агротехник чара тамырларын зарарлый торган кишер чебене кебек афәттән котылырга ярдәм итәчәк.

Май ялларында помидор һәм борыч үсентеләрен теплиага чыныгыр өчен чыгарырга була. Бары тик 15нче числодан соң 10-12 градуска кадәр җылыткач кына күчереп утыртырга мөмкин. Май башында  бары тик апрель уртасыннан да соңга калмыйча чәчкән кыяр рассадаларын күчереп утыртырга. Җир җылынгач, бәрәэге утыртырга да мөмкин .

Куаклар, агачлар, бакча җиләген катлаулы ашламалар белән тукландырырга кирәк.

Любовь ЗАНИНА,

«Россельхозцентр» ФДБУнең Татарстан Республикасы филиалы җитәкчесе урынбасары.