Үрдәк, казлар вак йонлы булса нишләргә?

Журналист, тамада, блогер Чулпан Гарипова бик җайлы ысулын уйлап тапкан һәм аның белән социаль челтәрдәге сәхифәсендә бүлешкән дип яза Интертат

«Зур парафин кисәкләре сатып алдым. Парафинны чиләккә су салып эретергә. Үрдәкне пешермәс өчен, парафинлы суның өсте элпә белән капланганын көтәргә һәм үрдәкне тыгып алырга, аннары сап-салкын суга салырга. Һәм акрынлап куптарырга була, вак йоннары парафинга ябышып чыга. Ничә минутта чип-чиста булды. Аз гына кулга эше кала инде.

Үрдәктән алынган парафинны да ташламагыз, аны кабат эретеп сөзәргә һәм яңадан кулланырга була», — дип сөйли ул.