Бала караклары тимәсен

Ильнур, 7 сентябрь 2015 - 05:21

2486

Мәгълүмат чаралары илдә һәр өч көн саен бер бала югала дип чаң суга. Кая китә алар, кем ала, кемгә кирәк кеше баласы.

Бер караганда моңа гаҗәпләнәсе дә юк, кешеләр арасында акча өчен сабыйларны да кызганмаучы бозык, явыз бәндәләр аз дип уйлыйсыз мәллә? (Авыл җирендә генә бер-береңне беләсең). Ниятләрен ишетсәң, чәчләрең үрә тора - балаларны я саталар, коллыкка озаталар, я органнарын алалар, каннарын кулланалар, я оятсыз фильмнарда уйнарга өйрәтәләр, я акча таләп итәләр. Чын фашизм!

Урамда ялгызы уйнаучы балаларга карыйм да, шул турыда уйлыйм. Аллам сакласын, әлбәттә. Сабыйларыбыз һәр әти-әнигә кадерле. Шуңа күрә, урамда ялгыз йөртми аларны. Аңлашыла, гел өйдә яталмый, ишегалды аның өчен тыгын, сабый күңеле иркенлек эзли. Карап торсаң, авыл урамнарында гына да кемнәр генә, нинди генә машиналар йөрми. Уяу булыйк, җәмәгать, балаларыбызны саклыйк. Булмас дип әйтеп булмый, дөнья бу.

Фото: http://www.stranamam.ru/article/8289834/