Чаллы да бер табиб 10 ел буе ялган диплом белән кешеләр дәвалаган
Чаллы прокуратурасы 10 ел буе медицина оешмасында ялган диплом белән эшләгән 39 яшьлек хатын-кызга карата җинаять эше ачты, дип хәбәр итә күзәтчелек ведомствосы матбугат хезмәте.
Тикшеренүчеләр версиясе буенча, ялган документны әлеге хатын-кыз 2008 елда 5 нче номерлы шәһәр хастаханәсенә тәкъдим иткән. «Диплом»да язылганча, ул янәсе Россиянең бер дәүләт оешмасында югары белем алган («Дәвалау эше» белгечлеге буенча). Кадрлар бүлегенә бу документны тапшырганнан соң, хатын-кыз невролог вазифасына билгеләнгән.
— Хәзерге вакытта хокук саклау органнары тарафыннан әлеге җинаятьнең нечкәлекләрен тикшерү һәм оператив-эзләнү эшләре бара, — дип белдерделәр шәһәр прокуратурасында.
Фото: pixabay.com
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев